香港新浪網 MySinaBlog
« 上一篇 | 下一篇 »
Pat Pat Sir | 8th Oct 2009 | 愛情 | (924 Reads)

如果有人對你說:「我對你有好感。」
拋下這句說話後就沉默不語,靜靜地等待你的回應。
你會覺得這是甚麼意思﹖
你會如何回應﹖

 

最近聽得令人發笑的辯說,就是某人在傳媒上先後說過:「我有向對方表示有好感」「我講清楚,我並無求愛...。」真的是屁話一通,係人都知,有好感只是向對方求愛的一種含蓄講法。當未摸清對方心意底蘊時,沒有十足把握是不會貿然向對方說「我愛你」或「我鐘意你」。這類明刀明槍的求愛說話,其效果如雙面刃,若對方受用,可以有即時感情大躍進的突破效果;相反對方不為所動的話,其殺傷力輕則引起對方要即時跟你保持距離,並要劃清界線;重則會遭對方周圍唱,令你畀人笑到面黃。因此,為求謹慎起見,都會用比較含蓄的講法,如「對你有好感」、「同你一齊好開心」、「好鍾意同你一齊既感覺」等等,不用明言,只需意會,就算對方拒絕,也比較容易裝傻扮懵回應,輕輕帶過避免尷尬。

除非...「求愛」的意思是指「求(做)愛」吧!!那麼,「我並無求愛」就可以說得通。

不認不認還需認,早知如此,何必當初﹖


[21] Re: 記號士
記號士 :
(好似好耐無寫愛情系列wor^^)

見係你,所以立即寫番篇。:P


[引用] | 作者 自聊思 | 20th Oct 2009 | [舉報垃圾留言]

[20] Re: Nic
Nic : 好一句"我對你有好感",明眼人都知這句話含追求之意啦...@@這一句話出於一個有掃之夫的口裡,唔係有意圖沾花惹草的話,那麼說出來又有什麼目的呢?...

所以他當初死口不認,是有遺道德,認左就是對老婆不忠。


[引用] | 作者 自聊思 | 20th Oct 2009 | [舉報垃圾留言]

[19]
自聊思 除非...「求愛」的意思是指「求(做)愛」吧!!那麼,「我並無求愛」就可以說得通。

唔怪得會涉嫌性騷擾了!
(好似好耐無寫愛情系列wor^^)


[引用] | 作者 記號士 | 20th Oct 2009 | [舉報垃圾留言]

[18]

好一句"我對你有好感",明眼人都知這句話含追求之意啦...@@
這一句話出於一個有掃之夫的口裡,唔係有意圖沾花惹草的話,那麼說出來又有什麼目的呢?...

Nic
[引用] | 作者 Nic | 16th Oct 2009 | [舉報垃圾留言]

[17] Re: Dozy
Dozy :

如果說...我對你有好感,不代表求愛的話,
那就肯定是想趙完鬆,不負責了~~



這是十分笨拙的狡辯吧了。


[引用] | 作者 自聊思 | 15th Oct 2009 | [舉報垃圾留言]

[16]

如果說...我對你有好感,不代表求愛的話,
那就肯定是想趙完鬆,不負責了~~

Dozy
[引用] | 作者 Dozy | 12th Oct 2009 | [舉報垃圾留言]

[15] Re: 叔公
叔公 :
其實是好小事,搞到咁大件事

因為有三姑六婆做代言人,又有傳媒想煲大佢做新聞,謀殺佢既政治生命。
甘生呢次錢賠了還要搞到成身蟻真係賠了夫人又折兵。


[引用] | 作者 自聊思 | 10th Oct 2009 | [舉報垃圾留言]

[14] Re: 小環
小環 :
我只係覺得,如果真係被屈,應該大大聲企硬要告翻轉頭”誹謗”先係囉!
連佢自己都心虛,咁重上電台講咁多廢話做乜?

內情應該仲有D唔出得街既野...所以先至搞到「欲蓋彌彰」,進退失據囉。
例如在言語或行為上真有D「過火」的「騷擾」也說不定,但女事主依家俾人登埋個樣出來,全香港都知係邊個,而且已經收左十幾萬當賠償,應承唔再回應,換左係你,呢個殘局都幾難解決。


[引用] | 作者 自聊思 | 10th Oct 2009 | [舉報垃圾留言]

[13]

其實是好小事,搞到咁大件事


[引用] | 作者 叔公 | 9th Oct 2009 | [舉報垃圾留言]

[12] Re: 自聊思
自聊思 :
睇見佢老婆黑口黑面,坐在一角不發一言,就知佢係「心不甘,情不願」的俾人擺左上枱,一副受氣無路訴的樣子。

甘太的表情直情寫住:"你個死佬,你仲好意思扮無事".


[引用] | 作者 Tempo | 9th Oct 2009 | [舉報垃圾留言]

[11]

我只係覺得,如果真係被屈,應該大大聲企硬要告翻轉頭”誹謗”先係囉!

連佢自己都心虛,咁重上電台講咁多廢話做乜?

小環
[引用] | 作者 小環 | 9th Oct 2009 | [舉報垃圾留言]

[10] Re: Tempo
Tempo :
說沒主動求愛,但不忠意圖,路人皆見,實在厚顏.

哈哈!!所以我都唔知佢搵個老婆出來做乜鬼野SHOW,以為學人地拖個老婆出來D人就信你「無不忠」﹖睇見佢老婆黑口黑面,坐在一角不發一言,就知佢係「心不甘,情不願」的俾人擺左上枱,一副受氣無路訴的樣子。


[引用] | 作者 自聊思 | 9th Oct 2009 | [舉報垃圾留言]

[9] Re: UncleRay
UncleRay :
不過點都好,甘是太不小心。

你係唔係打多左個「是」字﹖....上面句野係咪「甘太,不小心」﹖ :P


[引用] | 作者 自聊思 | 9th Oct 2009 | [舉報垃圾留言]

[8] Re: 米Sir
米Sir :
弊, 我對自聊思都有好感,如果唔係,我都唔使成日黎,仲會等自聊思回覆添...

咁俾面呀!!咁你幾時約我北上按摩﹖


[引用] | 作者 自聊思 | 9th Oct 2009 | [舉報垃圾留言]

[7]

講句"對你有好感",無非把主動權踢給女方.如果對方含情地回應:"...其實...我也是啊....",二人多半會展開一段婚外情,而一起的原因,將不是"我愛上她,所以求愛",而是"發現原來兩情相悅",清高又感人.

說沒主動求愛,但不忠意圖,路人皆見,實在厚顏.


[引用] | 作者 Tempo | 9th Oct 2009 | [舉報垃圾留言]

[6] Re: 自聊思
自聊思 :
UncleRay :我咁想,如果佢對個女士說:我很高興有你一位同事。是否算表示有好感呢?那是老闆對下屬的讚美,呢種「好感」唔會令人覺得涉及感情事,產生誤會。唔係咁都分唔到下話﹖

對的對的。我只是想會否會有一些話,其實冇乜野,只是女方敏感誤會而已。

不過點都好,甘是太不小心。

UncleRay
[引用] | 作者 UncleRay | 8th Oct 2009 | [舉報垃圾留言]

[5]

弊, 我對自聊思都有好感,如果唔係,我都唔使成日黎,仲會等自聊思回覆添...


[引用] | 作者 米Sir | 8th Oct 2009 | [舉報垃圾留言]

[4] Re: UncleRay
UncleRay :
我咁想,如果佢對個女士說:我很高興有你一位同事。
是否算表示有好感呢?

那是老闆對下屬的讚美,呢種「好感」唔會令人覺得涉及感情事,產生誤會。唔係咁都分唔到下話﹖


[引用] | 作者 自聊思 | 8th Oct 2009 | [舉報垃圾留言]

[3] Re: 样
:
哈哈,好明顯有人講大話唔識講囉。
不過個女事主都無企出來,件事最多不了了之,不過某人和某黨的誠信徹底跌落谷底﹗

係...怕認左唔知點向老婆交待,結果搞到進退失據。最戇居是拖個老婆出來開記招,個老婆黑口黑面,不發一言,配合唔到,真係進退失據,輸晒!!
現在越鬧越大,個女事主好難唔出來澄清吧﹖


[引用] | 作者 自聊思 | 8th Oct 2009 | [舉報垃圾留言]

[2]

我咁想,如果佢對個女士說:我很高興有你一位同事。

是否算表示有好感呢?

UncleRay
[引用] | 作者 UncleRay | 8th Oct 2009 | [舉報垃圾留言]

[1]

哈哈,好明顯有人講大話唔識講囉。

不過個女事主都無企出來,件事最多不了了之,不過某人和某黨的誠信徹底跌落谷底﹗


[引用] | 作者 | 8th Oct 2009 | [舉報垃圾留言]